قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بۇيرىعى  №483

  2015 جىلعى 24 ءساۋىر, استانا قالاسى عارىش قىزمەتى سالاسىنداعى جوبالارعا سالالىق ساراپتامانى جۇزەگە اسىرۋ قاعيدالارىن بەكىتۋ تۋرالى «عارىش قىزمەتi تۋرالى» 2012 جىلعى 6 قاڭتارداعى قازاقستان رەسپۋبليكاسىنىڭ زاڭى 9-بابىنىڭ 1-تارماعىنىڭ 27) تارماقشاسىنا سايكەس بۇيىرامىن: 1. قوسا بەرiلiپ وتىرعان عارىش قىزمەتى سالاسىنداعى جوبالارعا سالالىق ساراپتامانى جۇزەگە اسىرۋ قاعيدالارى بەكiتiلسiن. 2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ اەروعارىش كوميتەتى (ت.ا. مۇساباەۆ): 1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدىك باسپا باسىلىمدارىنا جانە «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى; 4) وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن ون كۇن جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردىڭ ۇسىنىلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسiن. 4. وسى بۇيرىق ونىڭ العاش رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا.يسەكەشەۆ «كەلىسىلدى» قازاقستان رەسپۋبليكاسىنىڭ قورعانىس ءمينيسترى ______________ ي. تاسماعامبەتوۆ 2015 جىلعى 14 مامىر قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ 2015 جىلعى 24 ساۋىردەگى №483 بۇيرىعىمەن بەكىتىلگەن عارىش قىزمەتى سالاسىنداعى جوبالارعا سالالىق ساراپتامانى جۇزەگە اسىرۋ قاعيدالارى 1. جالپى ەرەجەلەر 1. وسى عارىش قىزمەتى سالاسىنداعى جوبالارعا سالالىق ساراپتامانى جۇزەگە اسىرۋ قاعيدالارى (بۇدان ءارى – قاعيدالار) «عارىش قىزمەتى تۋرالى» (بۇدان ءارى – زاڭ) 2012 جىلعى 6 قاڭتارداعى قازاقستان رەسپۋبليكاسى زاڭىنىڭ 9-بابىنىڭ 1-تارماعىنىڭ 27) تارماقشاسىنا سايكەس ازىرلەنگەن جانە عارىش قىزمەتى سالاسىنداعى جوبالارعا سالالىق ساراپتامانى (بۇدان ءارى – جوبالارعا سالالىق ساراپتاما) جۇزەگە اسىرۋ ءتارتىبىن ايقىندايدى. 2. وسى قاعيدالاردا مىناداي انىقتامالار پايدالانىلادى: 1) عارىش قىزمەتى سالاسىنداعى جوبا – عارىش قىزمەتىن جۇزەگە اسىرۋعا باعىتتالعان عارىش تەحنيكاسى مەن تەحنولوگيالارىن جاساۋ جونىندەگى ءىس-شارالار جيىنتىعى; 2) ءوتىنىش بەرۋشى – زاڭعا سايكەس قازاقستان رەسپۋبليكاسىنىڭ اۋماعىندا, سونداي-اق عارىش كەڭىستىگىندە عارىش قىزمەتى سالاسىنداعى جوبانى ىسكە اسىرۋىن جۇزەگە اسىرۋدى جوسپارلايتىن جەكە نەمەسە زاڭدى تۇلعا. 3. جوبالاردى سالالىق ساراپتاۋ ورىندىلىعىن, تەحنيكالىق مۇمكىندىگىن, ەكونوميكالىق تيىمدىلىگىن, سونداي-اق قازاقستان رەسپۋبليكاسىنىڭ زاڭناماسىنا, عارىش قىزمەتi سالاسىنداعى تەحنيكالىق رەگلامەنتتەر مەن ستاندارتتارعا سايكەستىگىن ايقىنداۋ ماقساتىندا عارىش قىزمەتى سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) جۇزەگە اسىرادى. 2. جوبالارعا سالالىق ساراپتامانى جۇزەگە اسىرۋ ءتارتىبى 4. جوبالارعا سالالىق ساراپتاما جۇرگىزۋ ءۇشىن ءوتىنىش بەرۋشى ۋاكىلەتتى ورگانعا مىناداي ماتەريالداردى قاعاز تاسىعىشتا جانە ەلەكتروندىق تاسىعىشتا ۇسىنادى: 1) بايلانىس دەرەكتەرى كورسەتىلگەن ءوتىنىش بەرۋشىنىڭ ىلەسپە حاتى; 2) جەكە تۇلعانىڭ جەكە باسىن كۋالاندىراتىن قۇجاتتىڭ, سونداي-اق دارا كاسىپكەر ءۇشىن – دارا كاسىپكەر رەتىندە جەكە تۇلعانى مەملەكەتتىك تىركەۋ تۋرالى كۋالىكتىڭ نوتاريالدى كۋالاندىرىلعان كوشىرمەلەرى نە سالىستىرىپ تەكسەرۋ ءۇشىن تۇپنۇسقاسىن ۇسىنا وتىرىپ, وسى قۇجاتتاردىڭ كوشىرمەلەرى; 3) عارىش قىزمەتى سالاسىنداعى جوبانىڭ نەگىزگى باعىتتارىنىڭ سيپاتتامالارىن قامتيتىن تۇسىندىرمە جازبا; 4) تەحنيكالىق تاپسىرما (بار بولعان كەزدە); 5) «مەملەكەتتىك ينۆەستيتسيالىق جوبانىڭ ينۆەستيتسيالىق ۇسىنىسىن ازىرلەۋ نەمەسە تۇزەتۋ, قاجەتتى ساراپتامالاردى جۇرگىزۋ, سونداي-اق بيۋدجەتتىك ينۆەستيتسيالاردى جوسپارلاۋ, قاراۋ, ىرىكتەۋ, مونيتورينگىلەۋ جانە ىسكە اسىرىلۋىن باعالاۋ قاعيدالارىن بەكىتۋ تۋرالى» قازاقستان رەسپۋبليكاسى ۇلتتىق ەكونوميكا ءمينيسترىنىڭ 2014 جىلعى 5 جەلتوقسانداعى № 129 بۇيرىعىنا (نورماتيۆتىك-قۇقىقتىق اكتىلەردى مەملەكەتتىك تىركەۋ تىزىلىمىندە № 9938 تىركەلگەن) (بۇدان ءارى – بۇيرىق) سايكەس ازىرلەنگەن مەملەكەتتىك ينۆەستيتسيالىق جوبانىڭ ينۆەستيتسيالىق ۇسىنىستارى جانە (نەمەسە) بيۋدجەتتىك ينۆەستيتسيالىق جوبانىڭ تەحنيكالىق-ەكونوميكالىق نەگىزدەمەلەرى جانە (نەمەسە) بيۋدجەتتىك ينۆەستيتسيالاردىڭ قارجىلىق-ەكونوميكالىق نەگىزدەمەلەرى. 6) زاڭدى تۇلعا ءۇشىن - جارعىنىڭ جانە قۇرىلتاي شارتىنىڭ (ونى الماستىراتىن قۇجاتتىڭ) نوتاريالدى كۋالاندىرىلعان كوشىرمەلەرى, ءوتىنىش بەرۋشىنى زاڭدى تۇلعا رەتىندە مەملەكەتتىك تىركەۋ تۋرالى كۋالىكتىڭ* كوشىرمەسى نە سالىستىرىپ تەكسەرۋ ءۇشىن تۇپنۇسقاسىن ۇسىنا وتىرىپ, وسى قۇجاتتاردىڭ كوشىرمەلەرى. ەسكەرتپە:* «قازاقستان رەسپۋبليكاسىنىڭ كەيبىر زاڭنامالىق اكتىلەرىنە زاڭدى تۇلعالاردى مەملەكەتتىك تىركەۋ جانە فيليالدار مەن وكىلدىكتەردى ەسەپتىك تىركەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» 2012 جىلعى 24 جەلتوقسانداعى قازاقستان رەسپۋبليكاسىنىڭ زاڭى قولدانىسقا ەنگىزىلگەنگە دەيىن بەرىلگەن زاڭدى تۇلعانى (فيليالدى, وكىلدىكتى) مەملەكەتتىك (ەسەپتىك) تىركەۋ (قايتا تىركەۋ) تۋرالى كۋالىك زاڭدى تۇلعا ءوز قىزمەتىن توقتاتقانعا دەيىن جارامدى بولىپ تابىلادى. 5. قايتا سالالىق ساراپتاما جۇرگىزىلگەن جاعدايدا, ماتەريالدارعا بۇرىن بەرىلگەن قورىتىندىنىڭ كوشىرمەسى قوسا بەرىلەدى. 6. جوبالارعا سالالىق ساراپتاما جۇرگىزۋدەن باس تارتۋعا ءوتىنىش بەرۋشىنىڭ جوبالارعا سالالىق ساراپتاما جۇرگىزۋ ءۇشىن قاجەتتى ماتەريالدار پاكەتىن تولىق ۇسىنباۋ نەگىز بولىپ تابىلادى. 7. جوبالارعا سالالىق ساراپتاما جۇرگىزۋدەن باس تارتقان كەزدە ۋاكىلەتتى ورگان جوبا بويىنشا ماتەريالدى العان ساتتەن باستاپ بەس جۇمىس كۇنى ىشىندە ءوتىنىش بەرۋشىگە جازباشا تۇردە دالەلدى باس تارتۋ جىبەرەدى. 8. جوبالارعا سالالىق ساراپتاما ۋاكىلەتتى ورگانعا وسى قاعيدالاردىڭ 4-تارماعىندا كورسەتىلگەن جوبا بويىنشا ماتەريالدار ۇسىنىلعان كۇننەن باستاپ وتىز جۇمىس كۇنىنەن اسپايتىن مەرزىمدە جۇرگىزىلەدى. 9. جوبالارعا سالالىق ساراپتاما ناتيجەسى ءوتىنىش بەرۋشى ۇسىنعان ماتەريالداردى جان-جاقتى تالداۋعا جانە باعالاۋعا نەگىزدەلگەن, سونداي-اق بۇيرىقتىڭ تالاپتارىنا سايكەس رەسىمدەلگەن قورىتىندى بولىپ تابىلادى. 10. جوبالارعا سالالىق ساراپتاما ناتيجەلەرى بويىنشا قورىتىندىعا ۋاكىلەتتى ورگاننىڭ ءبىرىنشى باسشىسى نە ونى الماستىراتىن تۇلعا قول قويادى. 11. ەگەر جوبالارعا سالالىق ساراپتاما ناتيجەسى بويىنشا ۋاكىلەتتى ورگان جويۋدى تالاپ ەتەتىن ەسكەرتۋلەر بەرگەن جاعدايدا, ءوتىنىش بەرۋشى ماتەريالداردى پىسىقتايدى جانە ولاردى قايتا سالالىق ساراپتاماعا ۇسىنادى. 12. باستاپقى ساراپتاما جۇرگiزiلگەن كەزدە انىقتاعان عارىش قىزمەتi سالاسىنداعى ۋاكىلەتتى ورگاننىڭ ەسكەرتۋلەرi جويىلعاننان كەيiن جوبالارعا قايتا سالالىق ساراپتاما ماتەريالدار قايتا ساراپتاماعا ۇسىنىلعان ساتتەن باستاپ جيىرما جۇمىس كۇنىنەن اسپايتىن مەرزiمدە جۇرگiزiلەدi. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 19 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11397 بولىپ ەنگىزىلدى.